सङ्खुवासभा, चैत ८ गते । नेपाल रेडक्रस सोसाईटी सङ्खुवासभाको सभापतीमा निर्वतमान सभापति सरोजकुमार बज्राचार्य पुनः निर्वाचित भएका छन् । बिहिबार भएको निर्वाचनमा बज्राचार्य पुनः अर्को कार्यकालको लागि निर्वाचित भएका हुन् ।
सभापती पदका लागि जिल्ला रेडक्रसका पुर्व मन्त्री हरिश्वर थापामगर र बज्राचार्य चुनावी मैदानमा उत्रिएका थिए । बज्राचार्यले २० मतले थापामगरलाई पछि पार्दै विजय हासिल गरेका हुन् । जम्मा ९० मत खसेकोमा बज्राचार्यले ५४ मत प्राप्त गरेका थिए भने थापामगरले ३४ मत मात्र प्राप्त गर्नुभएको थियो । एक मत बदर भएको थियो । नव निर्वाचित सभापती बज्राचार्यको यो नवौं नेतृत्वदायी कार्यकाल हो ।
१२ सदस्य पदका लागि १८ जना चुनावी मैदानमा उत्रिएका मध्ये अर्जुनकुमार बस्नेत, बबिता कटुवाल, पुर्णकुमार गौली, नरबहादुर थापा, मदनकुमार दाहाल निर्वाचित भएका छन् । त्यस्तै ऋषीकेशव चापागाई, गोपालकुमार श्रेष्ठ, कृष्णचन्द्र श्रेष्ठ, सुशिला पराजुली, सल्लेन नेपाली, केशव काफ्ले र नरबहादुर अधिकारी पनि सदस्य पदमा निर्वाचित भएका छन् । निर्वाचित सवै पदाधीकारीहरुको कार्यकाल ४ बर्षको लागि रहनेछ ।
प्रतिक्रिया