सुरशाला म्युजिक एण्ड डान्स एकेडेमी संखुवासभाले आयोजना गरेको एसईई ट्यालेन्ट सोको दोश्रो चरणमा ७३ जना प्रतिष्पर्धीहरु प्रवेश गरेका छन् । एसईई दिएर बसेका विद्यार्थीहरुलाई लक्षित गरि आयोजना गरिएको एक नम्बर प्रदेश स्तरिय प्रतियोगितामा दुई डेढ सय प्रतिस्पर्धीहरुलाई पछि पार्दै दोश्रो चरणमा प्रवेश गरेका हुन् ।

दोश्रो चरणको प्रतिस्पर्धा मंगलबार दिउँसो तुम्लिङटारको मकालु रिसोर्टमा हुने आयोजकले जनाएको छ । सो चरणको प्रतिस्पर्धाबाट ४० जना छानिनेछन् । छानिएका मध्येबाट १२ जना छानि उत्कृष्ठ १२ लाई फाईनलमा प्रतिष्पर्धा गराईने सुरशालाका प्रबन्धक कुमार अनुरागीले जानकारी दिनुभयो ।

फाईनल प्रतियोगिता बैशाख २९ गते राष्ट्रिय कलाकारको उपस्थितीमा सम्पन्न हुने अनुरागीले जानकारी दिनुभयो । विजेताले ट्रफी र नगद पुरस्कार पाउनेछन् ।