चैनपुरमा जारी मेयर कप फुटबल प्रतियोगिताको आजको खेलमा घरेलु टिम पाँचखपन नगरपालिका र खाँदबारी नगरपालिका विजेता बनेका छन् । विपक्षी टिमलाई हराउँदै दुवै टिम सेमी फाईनलमा प्रवेश गरेका हुन् ।
पहिलो खेलमा पाँचखपन नगरपालिका सङ्खुवासभाले दुहवी नगरपालिका सुनसरीलाई ४–१ को गोल अन्तरले पराजित गरेको छ । निर्धारित समयमा बराबरी १–१ गोलमा सिमित भएपछि टाईब्रेकरको आधारमा पाँचखपन नगरपालिका विजेता बनेको हो ।
पाँचखपन विजेता भएसँगै सेमि फाईनलमा प्रवेश गरेको छ भने पराजीत भएको दुहवी खेलबाट बाहिरिएका छन् । आजको दोश्रो खेल खाँदबारी नगरपालिका सङ्खुवासभाले धनकुटा नगरपालिकालाई २–१ गोल अन्तरले पराजीत गरेको छ । निर्धारित समयमा १–१ गोलको बराबरी पछि टाईब्रेकरमा खाँदबारी विजेता बनेको हो । खाँदबारी नगरपालिका सेमि फाईनलमा प्रवेश गरेको छ भने धनकुटा खेलबाट बाहिरिएको छ ।
यसअघि बेलका नगरपालिका उदयपुरलाई हराउँदै आयोजक चैनपुर नगरपालिका पनि सेमीफाईनलमा प्रवेश गरिसकेको छ ।
प्रतिक्रिया