अर्घखाँची । सडक दुर्घटनामा परी अर्घाखाँची मालारानी-९ गोखुङगा सेपानीका २५ वर्षीय लेखबहादुर पुनको मृत्यु भएको छ। बिहीबार गते साँझ ललितपुरबाट बा ८६ प ७५० नम्बरको मोटरसाइकल चढेर सुन्धारा जाँदै गरेका लेखबहादुर पुन ‘एलबी’ पुनलाई पछाडिबाट आउँदै गरेको बा १ ग २४५६ नम्बरको नेपाली सेनाको गाडीले काठमाडौंको त्रिपुरेश्वरमा ठक्कर दिएको थियो।
दुर्घटनामा गम्भीर घाइते पुनको वीर अस्पतालको ट्रमा सेन्टरमा उपचारको क्रममा गएराति निधन भएको मृतकका दाजु लिमान बहादुर पुनले बताए। नेपाली लोक ,कला संस्कृतिमा ७ वर्ष बिताइसकेका एक अभियन्ता पुनले काठमाडौंमा बसेर लोक ,दोहोरी ,नृत्य र अभिनयमा सक्रिय भुमिका खेलेका थिए।
अहिले पुनको सवलाई पोष्टमार्टमका लागि टिचिङ हस्पिटलमा राखिएको छ। मृतक पुन: राष्ट्रिय लोक तथा दोहोरी गित प्रतिस्ठान नेपाल बानेश्वर-कोटेश्वर समितिका सहसचिव पनि हुन्। अहिले टिचिङ हस्पिटलमा राष्ट्रिय लोक तथा दोहोरी गित प्रतिष्ठान नेपालका केन्द्रीय अध्यक्ष बद्री पंगेनीसहितको नेपाली कलाकारको टोलीको ठूलो भीड लागेको मृतकका दाजु लिमान बहादुर पुनले जानकारी दिए।
ठक्कर दिने चालक र गाडीलाई जनसेवा प्रहरी बिट विशाल बजारले नियन्त्रणमा लिएको प्रहरीले जनाएको छ। उचित क्षतिपूर्ति उपलब्ध नभएसम्म शव नबुझ्ने मृतकका आफन्तले जनाएका छन्।
प्रतिक्रिया