खाँदबारी । सोलुखुम्बुमा आफ्नो श्रीमतीले अवैध सम्बन्ध राखेको भन्दै श्रीमानले खुकुरी प्रहार गरी हत्या गरेका छन् । सोताङ गाउँपालिका ३ का २९ वर्षीय होम बहादुर राईले अर्कैसँग सम्बन्ध रहेको चाल पाएपछि खुकुरी प्रहारबाट २८ वर्षीय श्रीमती सोमा लामाको हत्या गरेका हुन् ।
दुवै जनाको सम्बन्ध राम्रो नभएपछि सोमा केही महिना यता माइत बस्दै आएकी थिइन । दुवैबिच डिभोर्सको प्रक्रिया चलिरहेको अवस्थामा घटना भएको हो । माइत बस्दा २७ वर्षीय नन्दराज राईसँग अवैध सम्बन्ध रहेको थाहा पाएपछि विवादको क्रममा होम बहादुरले राती नन्दराजकै घरमा पुगेर खुकुरी प्रहार गरेको प्रहरीले जनाएको छ ।
बुधवार साँझ ६ बजे उनले सोमाको हत्या गरेको प्रहरीले जनाएको छ । मृतककी एक छोरी समेत रहेको प्रहरीले जानकारी दिएको छ । जिल्ला प्रहरी कार्यालय सोलुखुम्बुका इन्स्पेक्टर महेन्द्र दर्नालका अनुसार घटनाको विषयमा प्रहरीमा जानकारी हुनसाथ हत्या आरोपमा होम बहादुर राईलाई पक्राउ गरिएको छ।
हत्या गर्ने राई र नन्द राज राई नाताले दाजु भाइ हुन् । घटनाको थप अनुसन्धान भइरहेको दर्नालले जानकारी दिए ।
प्रतिक्रिया