काठमाडौं । प्रिमियर लिगमा एस्टन भिल्लाले एभर्टनमाथि ३/० को शानदार जित हात पारेको छ ।
घरेलु मैदानमा गएराति भएको खेलमा एस्टन भिल्लाका लागि म्याटी क्रस र लियोन बेलीले एक/एक गोल गरे । एभरटनका लुकास डिनेले एक आत्मघाती गोल गरे ।
एस्टन भिल्लासँग हारेपछि एभरटनको यस सिजन चार खेलको अपराजित यात्रा समेत टुङ्गिएको छ ।
खेलको ६६ औं मिनेटमा म्याटी क्यासले गोल गर्दै एस्टनलाई अग्रता दिलाएका थिए । त्यसको ट्टीन मिनेटपछि बेलीको कर्नरमा एभर्टनका लुकास डिग्नेले आत्मघाती गोल गरेपछि एस्टन भिल्लाले २/० को अग्रता बनायो ।
त्यसपछि ७५ औं मिनेटमा लियोन बेलीले गोल गर्दै एस्टन भिल्लालाई ३/० को जित दिलाए । जितपछि ५ खेलबाट ७ अंक जोडेको एस्टन भिल्ला दशौँ स्थानमा उक्लेको छ ।
पहिलो हारपछि एभर्टन भने १० अंकसहित पाँचौं स्थानमा छ ।
प्रतिक्रिया