ताम्कु । सिलिचोङ गाउँपालिकाको चालु आर्थिक बर्षको पहिलो चौमासिक सार्वजनिक सुनुवाई कार्यक्रम आज (सोमबार) हुने भएको छ । गाउँपालिकामा चालु आर्थिक बर्षको पहिलो चौमासिकमा सम्पादन भएका कार्यहरुको सार्वजनिक गर्नका लागि कार्यक्रमको आयोजना गरिएको हो ।
कार्यक्रममा सहभागी हुनका लागि पालिका भित्रका राजनितिक दलका प्रमुख तथा प्रतिनिधीहरु, संघ संस्थाका प्रतिनिधीहरु लगायत सरोकारवालाहरुलाई पत्राचार गरिसकिएको गाउँपालिकाका प्रमुख प्रशासकीय अधिकृत रामराज पौडेलले जानकारी दिनुभयो । कार्यक्रममा सेवाग्राहिहरुको सहभागीताको लागि प्रत्येक वडा मार्फत खबर पठाईएको र स्थानीय सञ्चार माध्ययमहरुबाट समेत सुचना प्रसारण गरिएको पौडेलले जानकारी दिनुभयो ।
सेवाग्राहि तथा सरोकारवालाहरु कार्यक्रममा आएर आफ्नो चासो, गुनासो र प्रश्न राख्नका लागि गाउँपालिकाले अनुरोध गरेको छ । प्रश्न तथा गुनासो सुनुवाईका लागि गाउँपालिका अध्यक्ष लगायतका जनप्रतिनिधीहरु र प्रमुख प्रशासकीय अधिकृत सहितको कर्मचारीहरुको उपस्थिती रहने छ ।
प्रतिक्रिया