काठमाडौं । स्पेनिस ला लिगा फुटबलमा रियल म्याड्रिडले अग्रता बढाउँदै लगेको छ।
बुधबार राति भएको खेलमा करिम बेन्जामाको निर्णायक गोलमा एट्लेटिको बिलबाओलाई १(० ले पराजित गर्न रियल सफल भयो। जितपछि रियलले दोस्रो स्थानको एट्लेटिको म्याड्रिडसँगको अंक दुरी ७ अंक बनाउन सफल भयो।
घरेलु मैदानमा सान्टियागो बर्नेबेउमा भएको खेलमा रियललाई जित दिलाउन करिम बेन्जामाले ४० औ मिनेटमा लुका मोड्रिचको पासमा गरेको एकमात्र गोल निर्णायक बन्यो। बेन्जामाको यो जारी सिजन १७ औ गोल हो। भ्रमणकारी टोलि बिलबाओले अन्तिम सम्म गोलका प्रयास गरेपनि बराबरी गर्न असफल भयो। विलबाओ हारसँगै पछिल्लो ६ खेलमा जितविहिन छ। २०२१ मा बेन्जामाले रियलका लागि सबै खाले खेलमा गरि ४६ खेलमा ३५ गोल गरेका छन्।
स्पेनिस लालिगामा १५ खेलबाट रियलको ११ जित ३ बराबरी र १ हार सहित ३६ अंक भएको छ। त्यस्तै एट्लेटिको म्याड्रिडको १४ खेलबाट २९ अंक हुँदा रियल सोसिडाडको पनि १५ खेलबाट २९ अंकनै रहको छ। त्यस्तै चौंथो स्थानमा सेभिल्ला रहेको छ।
प्रतिक्रिया