काठमाडौं । स्पनेनीस ला लिगा फुटबलमा भ्यालेन्सियाले लेभान्तेलाई पराजित गरेको छ।
पछिल्ला पाँच खेलमा लगातार जित निकालेको भ्यालेनसियाले लेभान्तेलाई ४–३ गोलले पराजित गरेको हो। खेलमा लेभान्तेले २ गोलको अग्रता जोगाउन नसक्दा पाहुना टोली भ्यालेन्सियाले पुनरागमन जित निकाल्यो । खेलमा कामपनाले २१ औ मिनेटमा लेभान्तेलाई अग्रता दिलाए। त्यसको दुई मिनेटमा रोजर मार्टीले गोल गर्दै टोलीको अग्रता दोब्बर बनाए। तर त्यसपछि भने लेभान्तेले लगातार ४ गोल खान पुग्यो।
४४ औँ मिनेटमा भ्यालेन्सियाका कोनकालो गुडेसले एक गोल फर्काए। दोस्रो हाफको ५० औ मिनेटमा कार्लोस सोलेरले पेनल्टीमा खेल बराबरीमा ल्याए। ७२ औ मिनेटमा कार्लोन सोलेरको गोलबाट भ्यालेन्सियाले ३–२ को अग्रता लियो। ८५ औँ मिनेटमा गोनसालो गुडेसले चौथो गोल थपे। अतिरिक्त समयमा बार्डिले लेभान्तेका लागि गोल गरेपनि भ्यालेन्सियालाई रोक्न सकेनन्।
भ्यालेन्सियाको १८ खेलबाट २८ अंक भएको छ। उ सातौं स्थानमा छ।
प्रतिक्रिया