संखुवासभा । संखुवासभामा कुटपिटबाट दुई जनाको मृत्यु भएको छ। कुटपिटबाट पाँचखपन नगरपालिका–३ की २९ वर्षीया विष्णुमाया राईको मृत्यु भएको जिल्ला प्रहरी कार्यालय संखुवासभाका प्रहरी निरिक्षक शुभेष अधिकारी जानकारी दिए।
प्रहरीले विष्णुमायाको हत्यामा संलग्न भएको आरोपमा श्रीमान दिपन राईलाई नियन्त्रणमा लिएको प्रहरी निरिक्षक अधिकारीले बताए। हत्यामा संलग्न दिपनलाई नियन्त्रणमा लिएर थप अनुसन्धान भइरहेको प्रहरीले जनाएको छ।
त्यस्तै मंगलबार खाँदबारी नगरपालिका–११ मा जीवन दर्जीको कुटपिटबाट ३० वर्षीय चन्द्रबहादुर दर्जी मृत्यु भएको छ। आपसी विवादमा कुटपिट हुँदा गम्भीर घाइते भएका चन्दको उपचारका क्रममा जिल्ला अस्पताल संखुवासभामा मृत्यु भएको हो।
हत्यामा संलग्न भएको आरोपमा जीवनलाई नियन्त्रणमा लिएर थप अनुसन्धान भइरहेको जिल्ला प्रहरी कार्यालय संखुवासभाले जनाएको छ।
प्रतिक्रिया