धर्मदेबी नगरपालिका वडा न ८ मा १ नं प्रदेश स्तरीय दोस्रो टुवोर्ग माघेनी गोल्डकप फुटबल प्रतियोगिता हुने भएको छ। वडा खेलकुद बिकास समितिले आयोजना गर्न लागेको प्रतियोगिता आगामी माघ २ देखि ६ गतेसम्म सञ्चालन हुने छ ।
प्रतियोगितामा प्रदेश नंं १ का आमन्त्रित १२ टिम सहभागी हुनेछन् । प्रतियोगिताका बिजेता टिमले नगद रु. १ लाख ११ हजार एक सय एघार पाउने छन् भने उपबिजेता टिमले ५५ हजार पाँच सय पचपन्न रुपियाँ प्राप्त गर्नेछन् । प्रतियोगितामा उत्कृष्ट खेलाडीलाई पाँच हजार रुपियाँ प्रदान गरिने आयोजकले जनाएको छ । प्रतियोगितामा सहभागी टिमलाई यातायात खर्च बापत प्रत्येक टिमलाई नगद २० हजार रुपियाँ उपलब्ध गराउने जनाएको छ। बुधबार पत्रकार सम्मेलन गरि आयोजकले आयोजना सम्पन्न गर्न लाग्ने सम्पुर्ण लागत सहित आयोजना बारे जानकारी सार्वजनिक गरेको छ।
आयोजना सम्पन्न गर्न १२ लाख रुपैंया लाग्ने वडा खेलकुद बिकास समितीका सचिब लोकेन्द्र कार्किले बताए । आयोजना सम्पन्न गर्न वडा कार्यलय, नगरपालिका, विभिन्न संघ,संस्था, व्यापारीबाट सहयोग रकम जम्मा गरि खर्च गर्ने आयोजकले जानकारी गराएको छ। खेल धर्मदेबी–८ मा रहेको खेलमैदानमा हुनेछ ।
प्रतिक्रिया