सिन्धुली । सिन्धुलीको हरिहरपुरगढी गाउँपालिका ४ मा ट्याक्टर दुर्घटना हुँदा एकजनाको मृत्यु भएको छ। हरिहरपुरगढी गाउँपालिका ४ बाह्रबीसेमा ना ५ त ५०६३ नम्बरको ट्याक्टर दुर्घटना हुँदा हरिहपुरगढी गाउँपालिका ३ का ३५ वर्षीया काजीमान जिम्बाको मृत्यु भएको प्रहरीले जनाएको छ।
बालुवा लिएर गुडिरहेको ट्याक्टर पल्टिंदा जिम्वाको घटना स्थलमै मृत्यु भएको प्रहरी उपरीक्षक गोविन्द थपलियाले बताए।
‘ट्याक्टरले मदन भण्डारी राजमार्गमा हिँडिरहेका पैदल यात्रीलाई ठक्कर दिएको छ। पैदल यात्रीलाई ठक्कर दिएपछि ट्याक्टर आफैँ अनियन्त्रित भएर सडकबाट १५ फिट तल खसेको छ’, उनले भने।
ट्याक्टरको ठक्करबाट काभ्रेपलान्चोक जिल्लाको पाँचखालका श्याम गौतम घाइते भएका छन्। घाइते गौतमको स्वास्थ्य अवस्था सामान्य रहेको र स्थानीय स्वास्थ्या चौकीमा उपचार भइरहेको छ। प्रहरीले ट्याक्टर चालकलाई नियन्त्रणमा लिएको छ।
प्रतिक्रिया