सल्यान । मोटरसाइकलको ठक्करबाट शारदा नगरपालिकाको पट्नेरीका २५ वर्षीय दीपेश डाँगीको मृत्यु भएको छ। खलंगाबाट श्रीनगरतर्फ आउँदै गरेको रा ४ प ९१७१ नम्बरको मोटरसाइकलले पैदल यात्री डाँगीलाई शनिवार साँझ पट्नेरीमा ठक्कर दिएको थियो।
ठक्कर गम्भीर घाइते डाँगीको दाङको तुलसीपुरस्थित राप्ती प्रादेशिक अस्पतालमा उपचारको क्रममा आइतवार बिहान मृत्यु भएको जिल्ला प्रहरी कार्यालय सल्यानका सूचना अधिकारी अर्जुन पौडेलले जानकारी दिए। शव पोष्टमार्टमका लागि जिल्ला अस्पताल सल्यानमा ल्याउँदै गर्दा परिवारले बाटो अवरुद्ध गरी घरमा राखेका थिए।
पीडित पक्षले तत्काल किरिया खर्च बापत ५० हजार रूपैयाँ र अन्य नियमअनुसार पाउने रकम उपलब्ध गराउने सहमतिपछि शव जिल्ला अस्पताल लगिएको छ। मोटरसाइकल चालक पनि घाइते भएको र सामान्य उपचारपछि प्रहरीको नियन्त्रणमा ल्याइएको पौडेलले बताए।
प्रतिक्रिया