झापाको बुद्धशान्ति गाउँपालिकामा भएको सवारी दुर्घटनामा परी एक जना महिलाको मृत्यु भएको छ ।
बुद्धशान्ति गाउँपालिका–३ को मेची राजमार्गमा पिकअप भ्यानले मोटरसाइकललाई ठक्कर दिँदा मोटरसाइकलमा सवार महिलाको मृत्यु भएको हो ।
घाइते सोही स्थानकी ३८ वर्षीया शान्त सुब्बाको उपचारका क्रममा बि एन्ड सी अस्पताल विर्तामोडमा मृत्यु भएको हो ।
हिजो बेलुका पौने ७ बजे दक्षिणतर्फ जाँदै गरेको प्रदेश १–०१–०१३ प ४४९८ नम्बरको मोटरसाइकललाई विपरीत दिशाबाट आउँदै गरेको प्रदेश १–०१–००१ च ७८३८ नम्बरको पिकअप भ्यानले ठक्कर दिएको थियो । मोटरसाइकलचालक ४२ वर्षीया कविता लिम्बूको सोही अस्पतालमा उपचार भइरहेको छ ।
पिकअप र चालक पाँचथर हिलिहाङ गाउँपालिका–६ का हर्क यावालाई इलाका प्रहरी कार्यालय धुलाबारीले नियन्त्रणमा लिएको छ ।
प्रतिक्रिया