खाँदबारी । संखुवासभाको मकालु गाउँपालिका वडा नं. २ सेदुवामा भालुको आक्रमणबाट एक जना घाइते भएका छन् ।
सेदुवा मुर्मु डाँडाका राम बहादुर कुलुङलाई भालुले आज बिहान घर नजिकै आक्रमण गरेको हो ।
मकैबारीमा मकै खाइरहेको अवस्थामा भालु फेला परेपछी राम बहादुरले खेदाउने क्रममा आक्रमणमा परेका हुन् ।
उनको टाउको, हात र ढाडमा चोट लागेको छ । उनको मकालु स्वास्थ्य चौकी सेदुवामा उपचार भइरहेको र थप उपचारको लागि रेफर गर्ने तयारी भइरहेको प्रहरीले जनाएको छ ।
प्रतिक्रिया