खाँदबारी । बैज्ञानिक महाविर पुनले आफ्नाे अन्तराष्ट्रिय पदकहरु विक्रिका लागि आफ्नाे फेसबुकमा राखेका छन् । उनले ३ पदककाे मुल्य २० देखि २५ लाख रुपैयाँ राखेका छन् ।
बीरगंजको कृषि औजार कारखानामा ३०० देखि ५०० केभिए सम्मको एउटा बिजुलीको ट्रान्सफर्मर यहि दशैँ अगाडी नै राख्नु पर्ने भएकाेले पदक विक्रिका लागि राखेकाे उनले बताएका छन् ।
काेहि कसैले पदक खरिद गरेर घरमा वा संग्रहालयमा राख्न सक्ने उनले बताएका छन् । पदक खरिद गर्नेलाई विभिन्न प्रमाण पत्रहरु पनि निशुल्क दिने उनले बताएका छन् ।
उनीसँग सम्बन्धित पुस्तकहरु समेत विक्रिका लागि राखिएकाे फेसबुकमा बताएका छन् ।
उनले सन् १९९२ मा अमेरिकामा पाएको अनर ग्राजुएट मेडल, सन् २००७ मा फिलिपिन्समा पाएको राेमन म्यागासेसे अवार्ड मेडल र सन् २०१४ मा अमेरिकामा पाएको ईन्टरनेट हल अफ फेमकाे मेडल बिक्रिमा राखेका हुन् ।
नेपाली मेडल भने विक्रि गर्न नमिल्ने भएकाेले विक्रिमा नराखेकाे बताएका छन् ।
प्रतिक्रिया