काठमाडौं । लागुऔषध कारोबारीलाई नियन्त्रणमा लिन प्रहरीले गोली चलाएको छ। मंगलबार दिउँसो ललितपुरको झम्सीखेलबाट एकजना लागुऔषध कारोबारीलाई नियन्त्रणमा लिन प्रहरीले गोली चलाएको हो।
उपत्यका अपराध अनुसन्धान कार्यालयका प्रवक्ता एवं प्रहरी उपरीक्षक रवीन्द्र रेग्मीले नियन्त्रणमा लिने क्रममा लागुऔषध कारोबारी अविनाश राईलाइ प्रहरीले गोली चलाइ नियन्त्रणमा लिएको जानकारी दिए।
राईको दाहिने खुट्टामा गोली लागेको छ। उनको ट्रमा सेन्टरमा उपचार भइरहेको प्रहरीले जनाएको छ। प्रहरीका अनुसार उनको साथबाट दुई राउण्ड गोली, एकथान पेस्तोल र लागुऔषध बरामद भएको छ।
प्रतिक्रिया