खाँदबारी । जिल्ला प्रहरी कार्यालय संखुवासभा नजिकै सकेट बम लगायतका विष्फाेटक पदार्थ फेला परेको छ। बुधबार जिल्ला प्रहरी कार्यालय नजिकै सरसफाई गर्ने क्रममा उक्त विष्फाेटक पदार्थ फेला परेको हो ।
जिल्ला प्रहरी कार्यालय हेलिप्याड नजिकै सड्दै गरेकाे बाेरामा सकेट बम लगायतका पदार्थहरु फेला परेको जिल्ला प्रहरी कार्यालयका संखुवासभाका डिएसपी घनश्याम श्रेष्ठले जानकारी दिनुभयाे। द्वन्द्वकालमा सुरक्षाकर्मीहरुकै प्रयाेजनकाे लागि गाडेर राखिएकाे विष्फाेटक पदार्थ हुनसक्ने डिएस्पी श्रेष्ठले जानकारी दिनुभयाे । कार्यालय परिषर सरसफाई गर्ने क्रममा केहि जमिन बाहिर केहि र केहि भित्र गाडिएकै अवस्थामा फेला परेकाे उहाँले जानकारी दिनुभयाे ।
विष्फाेटक पदार्थ डिस्पोजका लागि सदरमुकाम खाँदबारीमा रहेको नेपाली सेनाको नयाँ भैरवी दल गुल्मको टोलीलाई खबर गरिसकेको डिएसपी श्रेष्ठले जानकारी दिनुभयाे । सेनाकाे टाेलीद्वारा डिस्पाेजकाे तयारी भईरहेकाे समेत उहाँले बताउनुभयाे ।
उक्त क्षेत्रमा बम डिस्पोज नभएसम्मका लागि प्रहरीले निषेधित क्षेत्रको रुपमा राखेर सुरक्षा गरिरहेको छ।
प्रतिक्रिया