खाँदबारी । संखुवासभाको मकालु गाउँपालिका र नेपाल नेत्रज्योती संघ संखुवासभाको संयुक्त आयोजनाामा चैत्र २ र ३ गते नुम स्वास्थ्य चौकी मकालु ५ मा ५२ जना मोतीयाविन्दुका बिरामिकाे शल्यक्रिया सफल भएको छ ।
मकालु गाउँपालिकाको ६ वटै वडामा १ हजार १ सय ७३ जनाको आँखाका विरामीहरुको परिक्षणगरी छनोट भएका १ सय २० जना विरामीमध्ये ५२ जनाको मोतीयाविन्दुको र ७ जनाको सामन्य शाल्यक्रिया भएको हो ।
उपचारका लागि आउने विरामीहरुका लागि गाडी भाडा, खानबस्नको ब्यबस्था मकालु गाउँ पालिकाले उपलब्ध गराएको थियो ।
शिविर कार्यक्रम समापनको क्रममा मकालु गाउँपालिकाका अध्यक्ष ओङ्दीछिरिङ शेर्पाले शिविर सफलतापुर्बक सम्पन्न गर्ने डाक्टर र शिविर संचालन गर्ने सस्थाको टिमलाई धन्यवाद दिदै शाल्यक्रीया भएका विरामीहरुलाई स्वस्थ्य लाभको कामना गर्दै चश्मा वितरण गर्नुभएको थियो ।
आँखाका विरामीहरुको लागि ६ सय जनालाई चश्मा र ८ सय जनालाई निशुल्क औषधि उपालब्ध गराएको नेत्रअधिकृत क्षितिज बरालले बताए ।
ग्लोबल आँखा ईटहरिका डा. बेन लिम्बु, डा.समता शार्माको टिम, The third eye project ,पोल्यन्डका डा. पेटर्क क्लिन, राफल ग्लोवर्कको टिम ,तेजरत्न आँखा तथा कान उपचार केन्द्ध खाँदबारी १ का नेत्र आधिकृत क्षितिज बराल, मकालु आँखा उपचार केन्द्र नुमले शिविर सम्पन्न गरेको हो ।
नेपाल नेत्र ज्योति संघ सँखुवासभाले यसअघि ३ पटक शिविर सन्चालन गरेर ८० जना मोतीविन्दुका विरामीहरुको शाल्यक्रिया गरेर आँखाको ज्योती प्रदान गरेको थियो ।
छनोट भएका करिब १५ जना मोतीविन्दुका विरामी अनुपस्थित भए । विरामी अनुपस्थित हुनुको कारण विरामीलाई डर हुनु, अन्धविश्वास, कुप्रचार हुनु र विरामीलाई विश्वासको बातावरण सृजना गर्न नसक्नु जानकारहरुले बताएका छन् ।
प्रतिक्रिया