बिराटचौक । मोरङको सुन्दरहरैचा नगरपालिका ६ मा आईतबार दिउँसो पौने ३ बजे टिपरको ठक्करबाट ९ बर्षीय बालकको मृत्यु भएको छ । उत्तरबाट दक्षिण तर्फ जाँदै गरेको को १ ख ६२७३ नम्बरको टिपरले स्थानीय मिलन थपलियाको ९ बर्षीय छोरा लुकास थपलियालाई ठक्कर दिंदा बालकको घटनास्थलमा नै मृत्यु भएको ईलाका प्रहरी कार्यालय बेलवारीले जनाएको छ । घटनास्थलमा प्रहरी टोली खटि गई टिपर तथा चालकलाई नियन्त्रणमा लिएको छ भने अन्य थप अनुसन्धान भईरहेको उक्त कार्यालयले जनाएको छ ।
बिराटचौकमा ९ महिना अघि २०७५ माघ १४ गते पनि ना ३३ ख ३३३५ नम्बरको टिपरको ठक्करबाट ११ बर्षिया लक्ष्मी ढकालको मृत्यु भएपछि स्थानीयले आधा दर्जन बढी टिपर जलाउनुका साथै सोही सडकमा टिपर आवातजावतमा रोक लगाएका थिए । सोही समयमा स्थिति तनावपुर्ण बनेपछि जिल्ला प्रशासन कार्यलय मोरङले निषेधाज्ञा समेत जारी गरेको थियो ।
प्रतिक्रिया