संखुवासभा, असार १९ गते । जिल्लाको पाँचखपन नगरपालिका ६ जलजला स्वास्थ्य चौकीमा कार्यरत दुईजना स्वास्थ्यकर्मीहरु पक्राउ परेका छन्। सोही स्वास्थ्य चौकीमा कार्यरत एक महिलालाई दुर्व्यवहार गरेको आरोपमा स्वास्थ्यचौकी प्रमुख सहित प्रहरीले पक्राउ गरेको हो ।
पक्राउ पर्नेमा जलजला स्वास्थ्य चौकीका प्रमुख सलबहादुर श्रेष्ठ र सोही स्वास्थ्य चौकीमा कार्यरत उदयकुमार शाह रहेका छन् । पीडित महिलाले आफूलाई दुईजना मिलेर यौन दुर्व्यवहार गरेको भन्दै असार १० गते जिल्ला प्रहरी कार्यालय खाँदबारीमा उजुरी दिएकी थिइन् । पक्राउ परेका श्रेष्ठ र शाहमाथि थप अनुसन्धान भइरहेको जिल्ला प्रहरी प्रमुख डिएस्पी श्याम सारुमगरले जानकारी दिनुभयो ।
प्रतिक्रिया