सङ्खुवासभा, चैत ५ गते । सङ्खुवासभाको सभापोखरी गाउँपालिका ६ खोकराम स्थीत एक घरमा आगलागीहुँदा १३ लाख रुपैयाँ बढीको क्षति भएको छ । सनिबार दिउँसो स्थानीय बद्धिमान मगरको घरमा आगलागी भएपछि १३ लाख ७३ हजार रुपैयाँ बराबरको धनमाल जलेर नष्ट भएको जिल्ला प्रहरी कार्यालयले जनाएको छ ।
घर नजिकै रहेको भान्सा घरमा केटाकेटीले सलाई खेलाउने क्रममा उक्त भान्सा घरमा आगो सल्किएपछि सँगै रहेको ढुङ्गा माटोको गारो, टिनकोछानो भएको घर जलेर पुर्ण रुपमा नष्ट भएको जिल्ला प्रहरी प्रमुख प्रहरी नायव उपरिक्षक सन्तोष खड्काले जनकारी दिनुभयो । आगलागीबाट घरसँगै एक लाख ६० हजार नगद, सुनचाँदी, अन्नपात, लत्ताकपडाहरु जलेको छ ।
प्रतिक्रिया