ताम्कु, असोज २७ गते । सिलिचोङ युवा सर्कलको आयोजनामा सिलिचोङ ३ ताम्कुमा आईतबार सम्पन्न हुने सांगीतिक कार्यक्रमको तयारी पुरा भएको छ । कार्यक्रमको लागि स्टेज निर्माणदेखि अन्य सम्पुर्ण ब्यवस्थापन सम्पन्न भएको आयोजकले जनाएको छ ।
कार्यक्रम सञ्चालनको लागि आकर्षक मञ्चको तयारी पुरा भएको आयोजकले जनाएको छ । सनिबार साँझसम्म आमन्त्रीत कलाकारहरुको उपस्थिती भईसकेको आयोजक युवा सर्कलका अध्यक्ष उमेश चाम्लिङले जानकारी दिनुभयो । कार्यक्रममा कलाकारहरु निकेश राई, पवित्रा तामाङ, संयोगान्त कुलुङ, रिद्धिमा कुलुङ, भुपेन्द्र कुलुङ र पुस्कर कुलुङले प्रस्तुति दिने छन् । कार्यक्रममा नृत्य र गायन प्रतियोगिता पनि राखिएको छ ।
दुवै विधा तर्फ ईच्छुक जोसुकैले सहभागिता जनाउन सक्ने अध्यक्ष चाम्लिङले बताउनुभयो । प्रतियोगिताको दर्ता आईतबार विहान ९ बजेसम्म राखिएपनि केहीले सनिबार साँझ नै सहभागिताको लागि दर्ता गरिसकेको छन् । प्रतियोगितामा पहिलो, दोश्रो र तेश्रोले हुनेले नगद र प्रमाण पत्र पाउनेछन् । कार्यक्रम आईतबार विहान ९ बजेदेखि सुरु हुने आयोजकले जनाएको छ ।
प्रतिक्रिया