भोजपुर असार ५ / जिल्ला कार्यलय भोजपुरले २ नाल भरुवा बन्दुक सहित २ जनालाई पक्राउ गरेको छ । प्रहरीले बिशेस सुराकीको आधारमा भोजपुर नगरपालिका ३ गुप्तेवोर बाट ४६ बर्सिय जित कुमार राई ३६ बर्षिय लाल बहादुर भुजेललाई पक्राउ गरेको छ । जिल्ला प्रहरी कार्यलय भोजपुरबाट खटेको प्रहरी टोलीले राई र भुजेलको घरमा लुकाई छिपाई लोड गरेर राखेको बन्दुक सहित उनीहरुलाई बुधबार साझा ७ बजे घरै बाट पक्राउ गरेको हो ।
प्रहरीले राईको घरबाट भरुवा बन्दुक सहित बन्दुकमा प्रयोग हुने छर्रा १४ थान, कुरिंग ढुंगा १० थान र प्लास्टिकको बट्टामा २ सय ग्राम बारुद त्यसैगरि भुजेलको घरबाट पनि बन्दुक सहित छर्रा १६ थान , पटका ३ प्याकेट र बारुद २ सय ग्राम फेला परेको छ । अबैध हतियार सहित पक्राउ परेका दुवै जनालाई जिल्ला अदालत बाट म्याद थप गरेर अनुसन्धान भैइरहेको जिल्ला प्रहरी कार्यालय भोजपुरका प्रहरी निरीक्षक पान्ड़प कुमार राजवंशीले जानकारी दिनु भयो ।
प्रतिक्रिया