ताम्कु । दशैको अवसरमा सिलिचोङ गाउँपालिकाको ताम्कुमा आयोजना गरिने कार्यक्रममा फुलन्देको आमा (उमेश राई) ले प्रस्तुती दिने भएका छन् । असोज १३ गते सम्पन्न हुने कार्यक्रममा पछिल्लो समय बहुचर्चामा रहेको फुलन्देको आमा सँगै गायक सचिन राईको पनि प्रस्तुती रहने भएको छ ।
सिलिचोङ समाज नेपालको आयोजनामा सम्पन्न हुने कार्यक्रममा सुरेन्द्र पुलामी, संयोगान्त कुलुङ, बुद्धि लिम्बु लगायतले पनि प्रस्तुति दिने भएका छन् । सिलिचोङ क्षेत्रमा जमघट बढाउने र ब्यावसायीक प्रबद्र्धनमा सहयोग पुराउने उद्देश्यले कार्यक्रम आयोजना गर्न लागिएको कार्यक्रम संयोजक उमेश चाम्लिङले जानकारी दिनुभयो ।
कार्यक्रमलाई सफलता पुर्वक सम्पन्न गर्न तयारी तिब्र भईरहेको समेत संयोजक चाम्लिङले जानकारी दिनुभयो । कार्यक्रम सम्पन्न गर्न आयोजक संस्थाको आफ्नो कुनै कोष नभएकोले प्रायोजक तथा सहयोगीहरुको खोजीमा रहेको समेत चाम्लिङको भनाई छ ।
https://www.youtube.com/watch?v=9mjJ5Agpxa8&t=117s
प्रतिक्रिया