गुल्मी । गुल्मीमा अरिङगालले टोकेर वालकको मृत्यु भएको छ। जिल्लाको रुरु गाउँपालिका–१ रिडी निवासी १२ वर्षिय पवन अधिकारीको मृत्यु भएको जिल्ला प्रहरी कार्यालय गुल्मीका प्रहरी नायव उपरीक्षक (डिएसपी) मिनबहादुर घलेले जानकारी दिए। आइतवार बिद्यालय गएका वाल घरमा फर्किने क्रममा बोटमा रहेको अरिङगाल बादरले हल्लाउदा वालकलाई टोकेको थियो।
अरिङगालको टोकाईबाट घाइते भएका वालकको उपचारको लागि पाल्पा लैजाने क्रममा बाटोमै मृत्यु भएको प्रहरीले जनाएको छ। यसैबीच गुल्मीमै खोलाले बगाएर धुर्कोट गाउँपालिका वडा नम्बर–२ पिलधारा निवासी ६४ वर्षिय भिम बहादुर कुँवरलाई पानाहा खोलाले बगाएर मृत्यु भएको छ। कुँवर शनिवार साँझ पनाहा खोला तर्ने क्रममा बगाएको थियो।
प्रतिक्रिया