खाँदबारी । गय राती नुमबाट खाँदबारी तर्फ आउदै गरेको प्र. १–०२–००१ ख ८०८३ नम्बरको ट्रक दुर्घटना हुँदा एक जनाको मृत्यु भएको छ भने ७ जना घाईते भएका छन् । अरुण तेश्रोका लागि खाद्यन्न लगेर फर्किदै गरेको ट्रक चिचिला पातलको पात्लेमा सडक भन्दा करिव १ सय २० मिटर तल खसेको हो ।
मृत्यु हुनेमा धनकुटा जिल्लाका सवारी चालक बर्ष २९ का जनक पौडेल रहेका छन् । घाईते ७ जनाको उपचारका लागि जिल्ला अस्पताल खाँदबारी ल्याईएको छ । घाईते सात मध्ये ३ जनाको अवस्था गम्भिर रहेको जिल्ला प्रहरी कार्यालयले जनाएको छ । घाईते हुनेहरुमा एक जना नेपाली र अन्य भारतीय मजदुर रहेको दुर्घटनामा परेपनि सकुशल रहेका सबिन बिश्वकर्माले जानकारी दिए । उनीहरु अरुण तेश्रो परियोजना अन्तर्गत फ्याक्सिन्दा दोभानमा काम गर्ने मजदुरहरु हुन् ।
दुर्घटनामा परेको ट्रक निकाल्न प्रहरी परिचालन गरिएको प्रहरी निरिक्षक शुभेष अधिकारीले जानकारी दिए ।
प्रतिक्रिया