संखुवासभा । संखुवासभाको विभिन्न दुई स्थानमा २ वटा शव फेला परेको छ । जिल्लाको मादी नगरपालिका ४ र पाँचखपन नगरपालिका ३ मा शुक्रबार शव फेला परेको हो ।
मादी नगरपालिका वडा नं. ६ फलाँटेकी ७१ फुलमाया तामाङ वडा नं. ४ बाँझे स्थित मायाखोलामा मृत भेटिएको हो । उनी ५ दिन अघि देखि हराईरहेकी थिइन् । उनको शव गलेको अवस्थामा फेला परेको प्रहरीले जनाएको छ ।
यता पाँचखपन नगरपालिका वडा नं. ३ सिभुवाका ५९ वर्षीया शेर बहादुर राई वडा नं. ३ कै मसाने स्थित सभा खोलामा मृत भेटिएको हो । उनी ३ दिन अघि खोलामा जाल खेल्न गएपछी वेपत्ता भएका थिए ।
तामाङ र राईको शव पोष्टमार्टमका लागि खाँदबारी ल्याउने काम भइरहेको छ ।
प्रतिक्रिया