खाँदबारी नगरपालिका वडा नम्बर २ चेवामा एक कार्यक्रमका बीच खेलाडीहरुलाइ खेल पोशाक वितरण कार्यक्रम सम्पन्न भएको छ।
स्थायी घर खाँदबारी २ चेवा रहि हाल काठमाडौ बसोबास गर्दै आउनु भएका समाजसेवी अभियान्ता मीन बुढाथोकी र जालपा मा बि चेवाका शिक्षक तथा समाजसेवी नारायण थापाको संयुक्त सहयोगमा ७५ जना खेलाडिहरुलाई खेल पोशाक वितरण गरिएको कार्यक्रमका सभापति तथा नगर खेलकुद बिकास समिति सदस्य मिलन राईले जानकारी दिनु भएको छ।
वडाध्यक्ष ज्ञान बहादुर श्रेष्ठको प्रमुख आतिथ्यतामा सम्पन्न कार्यक्रममा बिशिस्ट अतिथि जिल्ला फुटबल संघ संखुवासभाका प्रशिक्षक दिपक चौहान रहनु भएको थियो।
कार्यक्रममा बोल्दै वडाध्यक्ष श्रेष्ठले सहयोग गर्ने दुबै जनालाइ वडाको तर्फ बाट हार्दिक बधाई ज्ञापन गर्नु भएको छ।
दुबै समाजसेवीहरुले बिगतमा पनि समाजमा युवा, विद्यार्थी, अशक्त अपांगहरुलाई सहयोग गर्दै आउनु भएको छ । उहाँले खेलाडीहरुलार्इ २५ सेट जर्सी , र स्थानीय बाल क्लब लाई खेलकुद सामग्री समेत वितरण गरि सक्नु भएको थियो।
कोरोनाको विषम परिस्थित मा आफ्नो गाउँमा कोही पनि भोकै बस्नु नपरोस् भनेर उहाँहरु मार्फत करिब ७० बोरा चामल र खाद्यान्न हरु सहयोग गरि गाउँ मा वितरण पनि गरिसक्नु भएको छ ।
प्रतिक्रिया