खाँदबारी । चिचिला गाउँपालिकामा मंसिर १३ बाट १६ दिने लैगिक हिंसा विरुद्धको सचेतना मुलक कार्यक्रम सञ्चालन हुने भएको छ । हरेक वडामा फरक मितीमा मंसिर १३ देखि १९ सम्म कार्यक्रम सञ्चालन गर्न लागिएको हो ।
मंसिर १३ गते वडा नम्बर ५, १४ गते वडा नम्बर ४ र १५ गते वडा नम्बर ३ मा कार्यक्रम सञ्चालन हुने कार्य योजना बनाईएको छ । त्यस्तै, मंसिर १६ गते वडा नम्बर २ र १९ गते वडा नम्बर १ मा कार्यक्रमको आयोजना गरिने भएको हो । कार्यक्रममा प्रत्येक टोलका महिला समुह, संघसंस्थाका प्रतिनिधी, राजनितिक दलका प्रतिनिधीहरुको अनिबार्य उपस्थिति रहनु पर्ने गाउँपालिकाले जनाएको हो ।
कार्यक्रममा लैंगिक हिंसा न्युनिकरण सम्बन्धी सचेतना मुलक जानकारीहरु प्रस्तुत गरिने गाउँपालिकाका सुचना अधिकारी सन्तोष राईले जानकारी दिनुभयो । कार्यक्रम महिला, वालवालिका तथा समाज कल्याण ईकाई अन्तर्गत चालु आर्थिक बर्षमा विनियोजित बजेट तथा कार्यक्रम अन्तर्गत सञ्चालन गर्न लागिएको हो ।
प्रतिक्रिया