संखुवासभा । नेपाल निजामती कर्मचारी युनियन संखुवासभाको अध्यक्षमा प्रवेश पोख्रेल सर्वसम्मत चयन भएका छन् । शनिबार सदरमुकाम खाँदबारीमा आयोजित आठौँ जिल्ला अधिबेशनबाट पोख्रेलको अध्यक्षतामा १७ सदस्यीय जिल्ला कार्यसमिति चयन भएको हो ।
समितिको उपाध्यक्षमा सुबास राई (खुल्ला), फुलमायाँ तामाङ (महिला), दिर्घमान राई (समाबेसी), सचिव विक्रम भण्डारी, सहसचिव अशोक राई, कोषाध्यक्ष गणेश विश्वकर्मा चयन भएका छन् भने सदस्यहरु ज्ञानेन्द्रबहादुर राई, भद्रबहादुर राई, सुमनकुमार दाहाल, सुर्यकुमार लिम्बु, थोङमिक भोटे, तेजबहादुर लिम्बु, राजनारायण मोदी, प्रल्हाद थापा, जीवनबहादुर खडका र दिपेश राई रहेका छन् ।
उक्त अधिबेसनले केन्द्रिय प्रतिनिधी महेन्द्रकुमार पराजुली, मदनकुमार कोइराला र जीतबहादुर राईलाई चयन गरेको छ । उक्त अधिबेसन नेपाल निजामती कर्मचारी युनियनका केन्द्रीय सदस्य हिमालय पोख्रेलको प्रमुख आतिथ्यमा सम्पन्न भएको हो ।
नेपाली काँग्रेसको शुभेच्छुक भातृसंस्थाको रुपमा चिनिने कर्मचारी युनियनको आठौ अधिबेसनमा नेपाली काँग्रेस नेताहरुको समेत उपस्थिती रहेको थियो ।
प्रतिक्रिया