खाँदबारी । संखुवासभाको खाँदबारी स्थित मकालु त्रिशक्ति समुह माट्स नेपालद्वारा सञ्चालित बाल कल्याण गृहलाई जोन डियर ट्रयाक्टर कम्पनीले सहयोग गरेको छ । जोन डियर ट्रयाक्टर कम्पनी अन्तर्गत बिबेक अटोमोबाइल प्रा लि। ले २१ हजार रुपियाँ सहयोग गरेको हो ।
कम्पनीका हिले शाखा प्रबन्धक अन्कित थापा मगर तथा इन्जिनियर रबिन कुमार ठाकुरले कम्पनीको तर्फबाट उक्त सहयोग रकम बाल कल्याण गृहमै उपस्थित भएर एक कार्यक्रममार्फत हस्तान्तरण गरेको हो । उनीहरुले माट्स नेपालका सह सचिब श्री सन्तोष मतेलाई हस्तान्तरण गरेको हो ।
कम्पनीका हिले शाखा प्रबन्धक मगरले येस्तो सामाजिक कार्य गर्न पाउदा आफुलाई खुशी लागेको र आगामी दिनहरुमा पनि येस्तो सामाजिक सेवामा आफुले आफ्नो ठाँउबाट सकेको सहयोग गर्दै जाने बताए । कम्पनीले यस्तो सामाजिक सेवामा गर्नु भएको अतुलनीय सहयोगले बाल गृहमा आश्रति बालबालिकाको पालनपोषण तथा शिक्षा लगायतमा ठुलो टेवा पुग्ने बताउदै सहयोगको लागि जोन डियर कम्पनीको हिले शाखा ,शाखा प्रबन्धक एवं कम्पनीका इन्जिनियर सहित जोन डियर ट्र्याक्टर कम्पनी एवं सहयोगका लागि समन्वय गर्नु हुने बिक्रम कटुवाल र रबिन गौतमलाई माट्स नेपालका सह सचिब सन्तोष मतेले धन्यवाद ज्ञापन गरे ।
प्रतिक्रिया