संखुवासभा धर्मदेबी नगरपालिका वडा न.४ का वडा अध्यक्ष अनिरुद्र सिंह लिंखा (नारायण) ले आफ्नो कार्यकालभरी भएका राम्रा कामहरु मध्ये वडाबासि सम्पुर्णको निशुल्क गरिएको स्वास्थ्य बिमा भएको बताएका छन् ।
आर्थिक बर्ष २०७८-०७९ मा बजेट बिनियोजन गरि वडा भरिका सम्पुर्ण वडाबासिको निशुल्क स्वास्थ्य बिमा वडा सरकारले गरिदिएको वडा अध्यक्ष लिंखाले बताएका छन् ।वडाभरि सम्पूर्णको स्वास्थ्यबिमा गर्ने काम धर्मदेबी नगरपालिका भरि ४ नम्बर वडामा मात्र भएको वडा अध्यक्ष लिंखाको भनाई रहेको छ।
१४ लाख बजेट वडाले बिनियोजन गरिदिएको र वडाभरिका प्रत्येक घर घर गएर बिमा गरिदिएको स्वास्थ्य बिमा दर्ता सहयोगि रुपा कार्किले बताएकी छिन् ।
वडा सरकारले स्वास्थ्य बिमा गरिदिएर निशुल्क स्वास्थ्य सुबिधा लिन पाउँदा स्थानीय सरकारको अनुभुती भएको बताउछन् वडाबासी नारायण भण्डारि ।
वडाबासी गंगामाँया सुवेदीलेपनी बिराट नर्सिङ होम बिराटनगरमा अल्सर उपचार गराएर फर्केकी छिन् आउन जान आफ्नै खर्च भएपनी निशुल्क उपचार भएकोमा वडा सरकार प्रति सन्तुष्ट रहेको बताउछिन् ।
बिमा गर्ने हरेक ५ जनाको परिवारले परिवारका सदस्य ज्यो कोही बिरामी परेपनी एक लाख बराबरको उपचार पाउने ब्यबस्था बिमा बोर्डको रहेको छ।
प्रतिक्रिया