खाँदबारी । मानेभञ्ज्याङ-हेलुवाबेँशी सडक कालोपत्रेको ठेकेदार याक्थुम्हाङ निर्माण सेवा प्रालिका सञ्चालक तेजकुमार कुरुम्बाङले सडकको बिषयमा गुनासो गर्दा भेटेर कुरा गर्ने बताएका छन् । सडकको उपभोक्ता क्षेत्रका युवाहरुले सामाजिक सञ्जालमा गुनासो गर्दा यस्तो प्रतिकृया दिएका हुन् ।
पछिल्लो समय कुरुम्बाङ आफुले जिम्मा लिएको काम छोडेर राजनितिक दौडधुपमा रहेको पाएपछि स्थानीय युवाहरुले गुनासो गरेका छन् । कुरुम्बाङले हिन्दु राष्ट्र पक्षधर राष्ट्रिय प्रजातन्त्र पार्टीको पक्षमा भोट माग्दै हिँडेपछि केहि युवाहरुले आफ्नो क्षेत्रको जिम्मा लिएको कामलाई प्राथमिकता दिन अनुरोध गरिएका थिए ।
मानेभञ्ज्याङदेखि हेलुवाबेँशीसम्म सडक कालोपत्रे गर्न याक्थुमहाङले लिएको म्याद कार्तिकको पहिलो हप्ता नै सकिएको छ । आयोजना सम्पन्न गर्नु पर्ने समय सकिदा ३० प्रतिशत मात्र काम सकिएको जिल्ला पुर्वाधार कार्यालय संखुवासभाले जनाएको छ । अहिल निर्माण अवधि थप्न लागिएको पुर्वाधार कार्यालयले जनाएको छ ।
बर्षातको समयसम्म ठप्प रहेको सडक करिव एक महिनाबाट सामान्य रुपमा सवारी सञ्चालनमा आएको छ । निर्माण कम्पनीले नै सडक सफाई गरेपछि सवारी सुचारु भएको हो । बर्षा लागेसँगै कार्यस्थल छोडेर गएको निर्माण कम्पनी काममा फर्केको छैन । थप गरिने एक बर्षको अवधिमा पनि काम सकिने सम्भावना नरहेको सम्बन्धित क्षेत्रका ब्यावसायीहरु बताउँछन् ।
प्रतिक्रिया