संखुवासभाका दुर्गम भोटखोला गाउँपालिकाका ४ वटा मतदान केन्द्रका मतपेटिका हेलिकप्टरबाट ल्याइने भएको छ ।
३ दिनसम्म पैदल हिडाएर ल्याउनु पर्ने भएपछि चीनको सिमावर्ती किमाथांका, थुदाम, रिदाक र गौथला मतदान केन्द्रका मतपेटिका सेनाको हेलिकप्टरबाट आज ल्याउन लागिएको हो ।
मूख्य निर्वाचन अधिकृतको कार्यालयका अनुसार १ सय ६४ मतदान केन्द्र मध्ये १ सय ५ केन्द्रको मतपेटिका सदरमुकाम खाँदबारीमा संकलन भइसकेको छ ।
सबै मतदान केन्द्रको मतपेटिका आइसकेपछि मतगणना आजैबाट गरिने छ । संखुवासभामा करिव ५५ प्रतिशत मत खसेको जिल्ला निर्वाचन कार्यालयले जनाएको छ । संखुवासभामा १ लाख १७ हजार ५ सय ५४ मतदाता रहेका छन् ।
प्रतिक्रिया