लिस्वन । गैर आवासीय नेपाली संघ पोर्चुगलले उर्जाशील तथा सकरात्मक सन्देशमूलक कार्यक्रम आयोजना गर्ने भएको छ । आगामी जनवरी २२ मा जम्बुजिरा र २३ मा लिस्बनमा कार्यक्रममको आयोजना गर्ने भएकाे हो ।
कार्यक्रममा चर्चित कथावाचक तथा प्रेरक वक्ता साइग्रेस पोखरेलको प्रस्तुति रहनेछ । यस अघि युरोपको माल्टा, बेल्जियम, स्पेनलगायतका मुलुकहरुमा पनि आफ्नो प्रस्तुति दिइसकेका पोखरेलकाे युट्युबमा मेरो अधुरो प्रेम, नौलो शुरुवात, सभ्या, नयाँ बेहुली लगायतका कथा वाचनहरु चर्चित छन् ।
कार्यक्रममा स्थानीय कलाकारहरुको पनि प्रस्तुती रहने आयोजकले जनाएको छ । पोर्चुगलमा नेपाली समूदायको बृद्धिसँगै सामाजिक र मानसिक समस्याहरु पनि बढ्दै गएकोले उनिहरुमा सकरात्मक सोचाइको विकास गर्न उक्त कार्यक्रमको आयोजना गर्न लागिएको संघका महासचिव राजकुमार थापाले जानकारी दिए ।
प्रतिक्रिया