खाँदबारी । गयराती सङ्खुवासभाको खाँदबारी बजारमा एक घर जलेर नष्ट भएको छ । खाँदबारी १ नेपाली सेनाका ब्यारेक नजिकै शुकमाया राईको घरमा आगलागी हुँदा घर पुर्ण रुपमा जलेर नष्ट भएको हो ।
लक्ष्मी पुजा गरेको दियोबाट आगो सल्केर आगलागी भएको जिल्ला प्रहरी कार्यालयले जनाएको छ । राती करिव ११ः४६ बजे सुतिरहेको अवस्थामा पुजा गरेको कोठाबाट आगो लाग्न सुरु भएको प्रहरीले जनाएको छ । पुजा कोठा बाहेकको अर्कै कोठामा सुतेकोले आगो फैलिसकेपछि मात्र थाहा पाएकोले कुनै पनि सामान निकाल्न नसकिएको परिवार श्रोतले जनाएको छ ।
घटना थाहा पाए लगत्तै नेपाली सेना, नेपाल प्रहरी र स्थानीयले आगो नियन्त्रण गर्न खोजे पनि घर पूर्ण रुपमा जलेको छिमेकी नरेन्द्र राईले जानकारी दिनुभयो । सवैको प्रयासबाट छिमेकी घरमा आगो सल्किनबाट जोगाईएको राईले जानकारी दिनुभयो । खाँदबारी नगरपालिकाको दम्कल भने घर जलिसकेपछि मात्र आईपुगेको थियो ।
राईको काठ र टिनबाट बनाईएको एक तले घर थियो । उहाँको श्रीमान लिला राई विगत ५ बर्षदेखि परदेशमा हुनुहुन्छ ।
प्रतिक्रिया