लिस्वन । पोर्चुगलमा सञ्चालन भएको ‘नेपाल आदिवासी फुटबल कप २०२४’ को उपाधि नेपफ्याम एफसीले जितेको छ ।
नेपाल आदिवासी जनजाति महासंघ, पोर्चुगलले बुध्द जयन्तीको अवसरमा आयोजना गरेको फुटबल प्रतियोगिताकाे फाइनल खेलमा नेपफ्यामले मनमैजु फुटबल क्लबलाई ४-० गोल अन्तरले हराउँदै उपाधि पक्का गरेको हो । जितसँगै विजेता नेपफ्याम एफसीले ३ हजार युरो तथा उपविजेता मनमैजु फुटबल क्लबले १ हजार ५ सय युरो नगदसहित ट्रफी, मेडल र प्रमाणपत्र प्राप्त गर्यो ।
पोर्चुगलमा कृयाशिल रहेका नेपाली समूदायको २० टोलिले सहभागीता जनाएको प्रतियोगिता जुन २ तारिख लिस्बनमा रहेको भिटोरिया क्लब दि लिस्बोआको खेलमैदानमा भएको थियो ।
नेपाली समूदायबीच एकआपसमा सहकार्य र भाइचारा वृद्धि गर्नका साथै नेपाली यूवाहरुको खेल विकास गर्न प्रतियोगिता आयोजना गरिएको नेपाल आदिवासी जनजाति महासंघ, पोर्चुगलका अध्यक्ष चोपकुमार मगरले बताउनुभयो ।
प्रतिक्रिया