खाँदबारी । आईतबार राती चिचिला गाउँपालिकाको वडा नम्बर ५ को विभिन्न स्थानमा परेको असिना पानीले धान बालीमा क्षति पुर्याएको छ । राती परेको असिना पानीले पाक्न लागेको धान कुटेर नष्ट पारेको हो ।
वडा नम्बर ५ को बाक्सिदा, ईभा, देवीटार लगायतका क्षेत्रमा असिनाले धानमा क्षति पुर्याएको वडा अध्यक्ष चन्द्रबीर राईले जानकारी दिनुभयो । असिनाले कुटेर करिव ७५ प्रतिशतसम्म धान झारेको वडा अध्यक्ष राईले जानकारी दिनुभयो ।
क्षतिको बिवरण संकलन गर्न लागिएको वडा सदस्य मैरानी राईले जानकारी दिनुभयो । कृषी प्राविधिक, जनप्रतिनिधि, सुरक्षाकर्मी, टोल विकासका प्रतिनिधिहरु लगायतको रोहवरमा क्षतिको बिवरण संकलन गरिने वडा सदस्य राईले जानकारी दिनुभयो ।
प्रतिक्रिया