संखुवासभा । संखुवासभा जिल्लाको भोटखोला गाउँपालिका कार्यालयमा गएराती आगलागी भएको छ । ३ नं. वडा हटिया गोलामा रहेको गाउँपालिकाको कार्यालयमा शुक्रबार मध्यरात १२ बजे आगलागी भएको जिल्ला प्रहरी कार्यालयले जनाएको छ ।
आगलागीबाट कार्यालयका सम्पूर्ण कागजात, फर्निचर, ग्यास सिलिन्डर लगायतका सामग्री पूर्णरुपमा जलेर नष्ट भएको छ । आगलागीबाट डेढ करोड बढीको क्षति भएको गाउँपालिकाका अध्यक्ष तेम्बा भोटेले बताए ।
आगो कसरी लाग्यो भन्ने जानकारी नभएको प्रहरीले जनाएको छ । मौसम खराबीका कारण थप जानकारी लिन नसकिएको प्रहरीले जनाएको छ । संखुवासभामा आज दिनभर मोबाइल नेट्वकमा समस्या आएको छ । घटना स्थल सदरमुकाम खाँदबारी देखि ३० कोष टाढा पर्छ ।
फाेटाे: फिन्जु भाेटे ।
प्रतिक्रिया