ओखलढुङ्गा । १० वर्षीया बालिकालाई बलात्कार गरेकाे आराेपमा एक वृद्ध पक्राउ परेका छन् ।
चिसंखुगढी गाउँपालिका वडा नं-६, भदौरेका ६५ वर्षीय अम्मरबहादुर राना मगरलाई १० वर्षीया बालिकालाई बलात्कार गरेर घरबाट भाग्दै गरेको अवस्थामा प्रहरीले पक्राउ गरेको हो ।
बुधबार दिउँसो बालिकालाई बलात्कार गरेर घरबाट भाग्दै गरेको अवस्थामा पक्राउ गरिएको जिल्ला प्रहरी कार्यालय ओखलढुङ्गाका प्रहरी निरीक्षक राजीव श्रेष्ठले जानकारी दिनुभयो । घरमा कोही नभएको समयमा ती वृद्धले बालिकालाई शौचालयमा लगेर बलात्कार गरेको अभिभावकले प्रहरीलाई बताएका छन् ।
बालिकाले अभिभावकलाई वृद्धले जबर्जस्ती करणी गरेको बताएपछि अभिभावकको उजुरीका आधारमा वृद्धलाई गिरफ्तार गरेर हिरासतमा राखिएको प्रहरीले जनाएको छ । बालिकाको रुम्जाटार अस्पतालमा स्वास्थ्य परीक्षण गरिएको र अवस्था सामान्य रहेको प्रहरी निरीक्षक श्रेष्ठले जानकारी दिनुभयो ।
प्रहरीका अनुसार पक्राउ परेका वृद्धविरुद्ध जबर्जस्ती करणी मुद्दा दर्ता गरेर म्याद थप गरी अनुसन्धान थालिएको छ ।
प्रतिक्रिया