भोजपुर । जिल्ला प्रहरी कार्यालय भोजपुरले जवस्जस्ती करणी गरेको अभियोगमा भोजपुर टक्सारका एक युवकलाई पक्राउ गरेको छ । भोजपुर नगरपालिका १२ कोट डाँडा वस्ने स्थानिय २० वर्षीय रोजन सुन्दासलाई १४ वर्षीय बालिकालाई करणी गरेको अभियोगमा प्रहरीले पक्राउ गरेको हो ।
त्यस्तै करण्ीमा सहयोग गरेको अभियोगमा अर्का एक जनालाई पनि नियन्त्रणमा लिएको छ । सुन्दासले गत ८ गते विहान ४ बजे वडा नम्बर १२ टक्सार कोटडाँडा स्थित आफ्नै घरको कोठामा लगेर बालिकालाई जबरजस्ती करणी गरेको कसुरमा पक्राउ गरेको जिल्ला प्रहरी कार्यालय भोजपुरले जानकारी दिइएको छ ।
त्यस्तै प्रहरीले बालिकालाई ललाई फकाई रोजनको घरसम्म ल्याउन सहयोग गर्ने सुनसरी इटहरी उपमाहानगरपालिका वडा नम्बर २ भुल्के बस्ने २८ वर्षका खेमराज दमाईलाई पनि पक्राउ गरेको छ । उनीहरुलाई पिडित परिवारको उजुरीका आधारमा गत आइतबार घरबाटै पक्राउ गरेको हो । पक्राउ परेका दुवै जना माथी जिल्ला अदालत भोजपुरबाट म्याद थप गरी अनुसन्धान सुरु गरेको प्रहरीको भनाई छ।
प्रतिक्रिया