रौतहट । रौतहट जिल्लामा गोली प्रहारबाट एक जनाको हत्या भएको छ । ईशनाथ नगरपालिका–६ मा अज्ञात समूहले चलाएको गोली लागेर २६ वर्षीय पुरुषको ज्यान गएको हो । मृतकको पहिचान भने खुल्न सकेको छैन ।
घिउराबाट जैयनगरतर्फ जाने बाटोमा क्रान्ति प्रावि नजिकै ती युवकलाइ गोली हानिएको थियाे । भारतबाटै आएका व्यक्तिले कुनै भारतीय नागरिकको हत्या गरेर फरार भएको हुन सक्ने प्रहरीको आशंका रहेको प्रहरी प्रवक्ता नवीन कार्कीले बताएका छन् ।
मृतकको साथबाट उनको पहिचान हुने कुनै बस्तु फेला नपरेको र हत्यामा प्रयोग भएको गोलीको खोका अत्याधुनिक हतियारको भएको प्रहरीले जनाएको छ । घटनाको सम्बन्धमा अनुसन्धान भइरहेको छ भने यसबारे विस्तृत आउन बाँकी छ ।
प्रतिक्रिया