बुटवल । बुटवल उपमहानगरपालिका–३, ज्योतिनगरकी एक महिलाको धारिलो हतियार प्रहार गरी हत्या भएको छ ।असोज १७ गते नै ६६ वर्षीया टिकीसरा गुरुङको हत्या भएपनि इलाका प्रहरी कार्यालय बुटवलले सोमबार पत्रकार सम्मेलन गरी सो जानकारी गराइएको हो ।
घरबाट बाख्रा चराउन गएकी गुरुङ साँझसम्म घर नफर्किएपछि खोजतलास गर्नेक्रममा लक्ष्मीनगर सामुदायिक जंगलमा उनको शव भेटिएको थियो ।प्रहरीले हत्याको आरोपमा हेटौंडा उपमहानगरपालिका–६ घर भइ हाल बुटवल, ज्योतिनगर बस्ने ४२ वर्षीय राम लामालाई पक्राउ गरेको छ ।
उनले टाउकोमा हँसिया प्रहार गरी मुखमा कपडा कोचेर गुरुङको हत्या गरेको स्वीकार गरेको इलाका प्रहरी कार्यालय बुटवलका प्रहरी नायब उपरीक्षक भीमलाल भट्टराईले जानकारी दिए ।लामालाई असोज २५ गते नुवाकोटको बेलकोटगढीबाट पक्राउ गरिएको उनले बताए ।
लामाको साथबाट टिकीसराको हत्यामा प्रयोग भएको हँसिया, कानमा लगाउने सुनका रिङ बरामद गरिएको प्रहरी नायब उपरीक्षक भट्टराईले बताए ।लामालाई हिरासतमा राखेर कर्तव्य ज्यान र डाँका–चोरी मुद्दामा अनुसन्धान भइरहेको छ ।
प्रतिक्रिया