चौतारा। सिन्धुपाल्चोकमा एक युवाको घाँटी रेटेर विभतस हत्या गरिएको छ । सिन्धुपाल्चोकको पाँचपोखरी थाङ्पाल गाउँपालिका-५, गुन्सामा गएराति एक युवाको घाँटी रेटी हत्या गरिएको हाे । सामान्य विवादमै २८ वर्षीय विजय लामाको सोही गाउँपालिका बस्ने मिलन स्याङ्बो र बमबहादुर स्याङ्बोले हत्या गरेर फरार भएको प्रहरी अनुसन्धानबाट खुलेको छ ।
लामाको घाँटी रेटेर हत्या भएको जिल्ला प्रहरी कार्यालय सिन्धुपाल्चोकका प्रवक्ता एवम् डिएसपी माधवप्रसाद काफ्लेले पुष्टि गरे। प्रहरीले फरार अभियुक्तहरुलाई खोजी गरिरहेको जनाएको छ । फरार अभियुक्तहरुलाई खोजी गर्नका लागि प्रहरीले पाँचपोखरी थाङपाल गाउँपालिकाको मानेखरदेखि माथिल्लो भेगसम्म व्यापकरुपमा प्रहरी परिचालन गरेको छ । प्रहरीले सिन्धुपाल्चोक आउने-जाने नाकामा समेत कडा निगरानी गरेको जनाएको छ ।
प्रतिक्रिया