खाँदबारी । खाँदबारी नगरपालिका वडा नम्बर ३ को अध्यक्षको मत गणना आज रातीबाट सुरु गरिने निर्वाचन कार्यालय संखुवासभाले जनाएको छ । मतदान सकिएपछि अहिले मत गणना लगायतका विषयमा सर्वदलिय बैठक बस्दै छन् ।
बैठकपछि आज राती ८ बजेबाट मत गणना गर्ने योजना रहेको निर्वाचन कार्यालयका प्रमुख चोलाराज दंगालले जानकारी दिनुभयो । मत गणना खाँदबारी स्थीत मुख्य निर्वाचन कार्यालयमा गरिनेछ । उमेद्वार थोरै र खसेको मतको संख्या पनि थोरै रहेकोले आज राती नै अन्तिम मत परिणाम आउन सक्ने बताईएको छ ।
३ नम्बर वडामा एक हजार ८ सय २२ मतदाता रहेकोमा एक हजार दुई सय ७१ मत खसेको छ । वडाअध्यक्षको लागि नेकपाको तर्फबाट भरतकुमार घिमिरे र नेपाली कांग्रेसको तर्फबाट बिक्रम गुरुङले उमेद्वारी दिएका छन् ।
प्रतिक्रिया