खाँदबारी । संगीतकर्मी डिबि कुलुङको नयाँ गीत ‘ए माईला’ सार्वजनिक भएको छ । कुलुङको शब्द र संगीतमा एलिना चौहानको आवाजमा गीतको भिडियो सार्वजनिक गरिएको हो ।
राजु कार्कीले एरेञ्ज गरेको उक्त गीत किङ स्टुडियोमा रेकर्ड गरिएको हो । गीतको भिडियो जस्केलो क्रियसनले बनाएको हो । तीनजुरे अनलाईन टिभिबाट सार्वजनिक गरिएको भिडियोमा एलिना चौहानलाई फिचर गरिएको छ ।
मारुनी लयमा तयार गरिएको गीतमा विबाह लगत्तै परदेशिएका श्रीमान घर फर्कन आग्रह गरिएको छ । लामो समय परदेश बस्दा परिवारमा लाग्ने न्यास्रोलाई गीतमा समेटिएको छ ।
यस गीतका लेखक तथा संगीतकार कुलुङ पनि लामो समयदेखि परदेश (कतार) मा छन् । कुलुङले परदेश र घरदेशको भौतिक दुरी बढ्दा उब्जिने भावनालाई गीत मार्फत प्रस्तुत गरेका हुन् ।
प्रतिक्रिया