खाँदबारी । नेपाली कांग्रेसको १४ औ महाधिबेशन अन्तरगत आदिवासी जनजाती क्लष्टरको मत गणना जारी छ । पछिल्लो जानकारी अनुसार ३,७९२ मत गन्दा चिनकाजी श्रेष्ठको अग्रता कायमै रहेको छ ।
८ जनाको कोटा रहेको यस क्लष्टरमा संखुवासभाका तारामान गुरुङ सातौं स्थानमा छन् । गुरुङले हालसम्म १,४१० मत प्राप्त गरेका छन् । अब करिव हजार मत गन्न बाँकी छ । हालसम्म प्राप्त गरेको मत र प्रतिष्पर्धीहरुसँगको मत अन्तर तुलना गर्दा गुरुङ जीत नजिक रहेको गणना स्थलमा खटिएकाहरुले बताएका छन् ।
गरुङ भन्दा अगाडी आङ्गेलु शेर्पा, टेकबहादुर गुरुङ, दिलमान पाख्रिन, बहादुर लामा, उमेश श्रेष्ठ र चिनकाजी श्रेष्ठ रेका छन् । गुरुङपछि आठौं नम्बरमा टेक प्रसाद गुरुङ रहेका छन् । गुरुङको हालसम्मको मत १,३५५ रहेको छ भने नवौं नम्बरमा रहेका जीत नारायण श्रेष्ठको १,२२६ मत मात्र रहेको छ ।
प्रतिक्रिया