पर्सा । तयारी अवस्थाको १ हजार ५० थान प्रतिबन्धित लागुऔषधसहित वीरगन्ज महानगरपालिकाका एक युवा पक्राउ परेका छन्।
पर्साको वीरगन्ज महानगरपालिका १५ प्रतिमा चोकबाट मंगलबार दिउँसो वीरगन्ज महानगरकै वडा नम्बर १३ मूर्लिका विक्रम सर्राफ पक्राउ परेका हुन्।
उनी कालो प्याष्टिकको झोलामा नजानिँदो तरिकाले लागुऔषध बोकेर पैदल हिँड्दै गरेको अवस्थामा पक्राउ परेको पर्सा प्रहरीले जनाएको छ।
प्रहरीलाई शंका लागि जाँच गर्दा उनले तयारी अवस्थाको प्रतिबन्धित लागुऔषध ३ सय ५० थान नुर्फिन, ३ सय ५० थान डाइजेपाम र ३ सय ५० थान नै फेनारगन गरी कुल १ हजार ५० थानसहित पक्राउ परेको पर्साका प्रहरी नायव उपरीक्षक प्रल्हाद कार्कीले बताए।
प्रतिक्रिया