संखुवासभामा विद्यार्थीहरुले बलात्कार विरुद्धको प्रदर्शन गरेका छन् । सदरमुकाम खाँदबारीमा रहेको बरुण बहुमुखी क्याम्पसका विद्यार्थीहरु मुख्य बजार स्थित पोखरी पार्कमा प्रर्दशन गरेका हुन् ।
देशमा बढिरहेको बलात्कारका घटनाहरुले महिलाहरु असुरक्षित हुँदै गएको र सरोकारवालाहरुले नियमन गर्न नसकेको भन्दै प्रदर्शन गरेका हुन् । नेपाल विद्यार्थी संघ बरुण क्यापसको अगुवाई उनीहरुले प्रदर्शन गरेको हो ।
विद्यार्थीहरुले प्ले कार्ड सहित बजार परिक्रमा गर्दै पोखरीमा कोण सभा गरेका थिए । प्रदर्शन गर्दै उनीहरुले उदयपुरमा भएको १५ बर्षिया बालिकाको हत्यामा संलग्न जो कोहि भएपनि चाँडो पत्ता लगाई कानुनी कारवाही गर्न सम्बन्धीत निकायलाई ध्यानकर्षण गराएको छ । उनीहरुले पोखरी पार्कमा १५ मिनेट उभेर प्रदर्शन गरे ।
प्रतिक्रिया